وعلشان الراجل الفلاح البسيط دة طول عمرة فى الارض بيشتغل بدون كلل او ملل لا عمرة بيشتكى من حر الشمس ولا برد الشتا يصحى من الفجر يسرح على غيطة شايل فاسة على كتفة ومقطفة فى ايدية وساحب بقرتة وماشى يسبح بحمد اللة ان ربنا يسترها معاة دنيا واخرة
مش طمعان ولا عايز حاجة من الدنيا غير الستر يقول فى صمتة وفى سكونة انه نفسة يعلم ولادة ويعرفوا يقرو ويكتبوا ويكونوا بهوات زى الاستاذ عبدالعزيز فيلسوف البلد اصلة واخد الابتدائية القديمة وشغال فى تفتيش الرى والناس كلاتها بترجعلة فى الكبيرة والصغيرة واصلة المتعلم الوحيد فى الناحية كلها
علم ولادة على الحب والعمل والتسامح والطيبة فى دمهم والكرم طبع اصيل فى عروقهم صحيح هما ناس غلابة والحال معتشى زى زمان كان زمان جدى بيفطر بالسمنة البلدى وبياكلوا من خير الارض لكن دلوقتى الارض جحدت ومعديتشى حتى زى زمان بقم بيبيعوا لبن البقرة والجاموسة علشان يصرفوا والايجار اللى زاد عليهم كبلهم من ايديهم ورجليهم وهمابيمنوا نفسهم لو هما اصحاب الارض كانوا قدروا يوفروا تمن الايجار اللى بيجيبوة من كدهم وعرقهم لكن اليد قصيرة والعين بصيرة
معتشى فية زراعه زى زمان وغابت دورة الاحواض الزراعية مهو هما لو مشيوا عليها يبقوا هيشحتوا ولا هيدفعوا ايجار ولا هيلاقوا يكلوا بدل زراعه القمح زرعوا اللب وبدل زراعه الرز زرعوا بسلة وبنجر عايزين زرعه سريعه ومكسبها قريب مش عايزين زرعه موسومية وتطلع عينهم فى المقاومة والشغل ومن هنا بدأت الاحوال تسوء واصبح الفلاح بيشترى العيش من الفرن بعد ماكان بيخبز جوة البيت وبيروح يشترى الدقيق بعد مكان عامل مخزن صومعه من الطين بيخزن فيها قمحة طول السنة ومعتش فية فرق بينة وبين رجل المدينة بيروح يشترى زية بالظبط كل حاجة
والحكومة كل شوية تشتغلهم الكيماوى غالى والايجار غالى والمبيدات غالية حتى كرة الارض لولا الملامة كان سابها وطفش مهى معدتشى بتجيب همها لو جه حسب الزرعه زى الحاج حسيب من يوم مازرع الارض قطن وهو عمال يقيد فى الدفتر جبت كيماوى بكام ورويت الارض ومبيدات وانفار جمع وتنضيف وحصاد وباع المحصول فى الاخر طلع خسران 399 ج بالتمام قال بردة احسن الواحد لو قعد ومرحشى الغيط ممكن يموت زى السمك لو طلع من المية كان مات
رغم ان البرلمان الموقر بيقول 50فى المية عمال وفلاحين ولكن يا عيب الشوم لاعمرة دخل البرلمان ولا جلس تحت القبة فلاح لكن بيكون لواء ولا رجل اعمال بدرجة فلاح وهو فى وادى والفلاحين فى عالم سماوى اخر يشوفوا سيادة النائب مرة قبل الانتخابات ومرة وهو مترشح للدورة الجاية ودمتم وهو يا عينى قاعد يهاتى وياكل فى نفسة والارض قاعدة تاخد من راحتة وتعبة وشقاة وهو مش عارف ياخد حاجة
وعمرة ماينسى يوم اسود كان بيزرع الارض وبيدفع الايجار للجمعية الزراعية جة مبارك لعنه الله فى كل السموات والاراضين السبع بجرة قلم خد الارض اللى ورثه عن ابوة وقال دى طلع لها ملاك اصل عبدالناصر اخدها ظلم ومن هنا جاءت الكوارث معظم الفلاحين سابوا الارض بالقوة وعايزها هتاجرها وبعد ماكان بيدفع ايجار 450 ج اصبح بيدفع 4000 ج وده رقم لو مسكة فى ايدية يبقى اصبح مليونير ومحدش هيعرف يكلمة
جدى كان بيقولى زمان كل الناس كانت بتتجوز فى موسم القطن يتباع المحصول والكل يتنغنغ دلوقتى طير انت لعاد قطن نافع ولا حتى بقدونس احنا عايشين فى الارض علشان منموتش بس وبيعانى الامرين
وطبعا الحكومات البهية والاليكترونية مفيش على خريطتها مواطن اسمة فلاح دول اخدوة فى الكتب بس ميعفوش حاجة عنه غير اسمة ولا تعليم كويس فى قراهم ولاخدمات صحية ولا يحزنون ولا اسفلت ولا ولا وعايش كانة ميت عمرة ماكان بيطلب ولا عمرة اشتكى ولا بكى رغم انه بيئن طوال الوقت من اللى بيحصلة ومن القرارات اللى بتاخدها الحكومة من غير ما تاخد راية ولكن فى البرلمان ممثليين عن الفلاحيين هما فعلا ممثلين مش كومبارس ولكن ليسوا فلاحيين وهو ياولدها عمال يشرب مقلب ورا مقلب وبيقول هانت كلها خطوة ونروح نرتاح ورحتة فى الترب حيث يوارى علية التراب يقوم من الفجر وينام بعد العشاء والفلاح الفصيح فيهم هو اللى يتجلد ويسمع نشرة 9 يعرف اخبار مصر والدنيا ويقعد يضرب كف على كف من كل اللى بيحصل
قامت الثورة وهو متابع بردة لا اشترك ولا هتف وكان برده بيسرح غيطة كل يوم ويطمن من وقت للتانى على احفادة وولادة اللى عايشين فى المدن ويطلق لهم تحذيراته شديدة اللهجه ملكشى دعوة بالمظاهرات امشى جنب الحيط ياابنى احنا مش قد الحكومة دول ناس ايديها طايلة واحنا غلابة الاستكانة طبعه هو يعرف شىء واحد فقط يكررة كل يوم ان يهب الى الغيط ليعمل حتى ولو كان عملة لايدر علية عائد هو يعمل فقط
لكن بردة الاحداث كان لها مفعول السحر وكل الناس بتتكلم وبتقول الدنيا مولعه فى مصر وفى المدن وطبعا القرية كل شىء فيها طبيعى الكل بس عمال يتفرج على التلفزيون ويقول فى نفسة ربنا يستر على البلد احنا هيحتلونا وممكن يضربونا بالنار وممكن يطفشوا ويجوا عندنا ويعملوا فينا زى بتوع دنشواى
د الظابط لو نزل من المركز ومشى لوحدة هيرعب المنطقة كلها دول العيال بتوع مصر بيقولوا يسقط حسنى مبارك مش ظابط المركز يا وقعه سودة عليكوا يا بتوع مصر دول عيال قادرة ومعندهاش خشى
يرد الحاج سيد ويقول ربنا معاهم ويقع العنتيل يقصد مبارك دا بقى لو وقع واتحاكم البلد هتنضف وممكن يرجعولنا الارض اللى سرقها مننا ويرخصوا المبيدات والكيماوى والايجار وقعد يعدد كل الحاجات والمحتاجات اللى هيستفيد بيها من قتل مبارك ونرجع نزرع زى زمان والخير يعود د راجل وشة شؤم من ساعه ماريحة هب علينا واحنا مشفناش منه غير كل شر اذا كان هو واللى اسمة يوسف والى الله يجحمة
قوم بينا ياحاج سعيد نصلى العصر علشان نرجع نشوف اخرة الايام دى اية تصدق الواد ابنى خريج طب اصرف علية دم قلبى وفى الاخر بيقبض 250 ج مش دى حاجة تقرف
قالة اسكت د ناظر المدرسة بقالة 23 سنة شغال وبياخد 550 ج ولولا مكافاة الامتحانات مكنش عرف يجوز ابنه ما انت عارف العنانى اللى اتخرج بقالة 7 سنين وقاعد مش لاقى شغل سافر سنتين برة واهو رجع بنى شقة وهيتجوز وخلاص اهو يلطش يوم بقى من هنا ويوم من هنا لحد ماالامور ما تعدى واهوزى غيرة انا قلتلة ادخل كلية تربية وكان هيشتغل مدرس على طول ويتعين وكان زمانة جه البلد
يرد الحاج صابر وهو لسة جى يقولة اتبسط ياعم معتشى اى كليات بتوظف خلاص واحنا نصرف وفى الاخر العيال يطلعوا يقعدوا جنبنا وتيجى تقولة اسرح الغيط يقولك مش عارف اية اسكت ياحاج الله يخليك علشان علاء ابنى بقال كام سنة متخرج ولا فية شغل ولا مشغل وقاعد ازق فية انه يعمل حاجة مفيش اهو نايم طول النهار وصاحى طول الليل كل اللى طالع فى دماغه انه عايز يسافر اطاليا بلد خواجات او فرنسا زى بتوع ميت بدر حلاوة ودى علشان يسافرها هتاخد فدان ارض فى وشها وجايز يرموة فى البحر والواد دة اللى حيلتى على اخواتة البنات مش عار فاعمل اية
انت تقول للعمدة اهو بردة كبير البلد يقعد معاه جايز يسمع كلامة ويخاف
دة كان زمان دة جيل نمرود اليومين دول كل يوم يصحى من بدرى ويسافر البندر يروح المظاهرات قال اية عايزين يسقطوا النظام
افتح التلفزيون ياحاج سعيد واندهه ام العبد تعملنا شاى وتجبلنا حتة جبنة حدقة وطمطمتين ونشوف سى مبارك هيعمل اية مع الولاد بتوع المظاهرات
ام العبد تخرج بالشاى وتقول يحرق قلبة مبارك على ولادة زى ما بيموت شباب البلد مش كفاية السرقة اللى بيسرقوها والولاد اللى مش لاقية شغل ولا عارفين يسفلولنا حتت الطريق دة ولا يدخلولنا مجارى
الحاج سعيد اية يا ام العبد انتى بتتكلمى زى بتوع التحرير ولا اية كمان شوية تروحى المظاهرات
الود ودى اروح وادعى للعيال دول ربنا يوفقهم اقعد يا حاج الراجل دة لو انشال كل شىء هيبقى كويس وهنلاقى شغل للعيال ومش هنحتاج للارض اللى مش عارفين نسد ايجارها واهو احنا كبرنا ومن حقنا نرتاح
تعرفى فعلا للو العيال دول يوقعوا الاسد مبارك كل مشاكل البلد هتنحل يعنى ولا هيجى ابنة ولا اية اللى هيحصل ربنا معاهم كل يوم فى صلاتى بدعيلهم ربنا ينصرهم
انا مقلتلكشى ابنك انهاردة صحا من الفجر وقال انا رايح اشارك فى جمعه الرحيل معرفشى بتاعتة اية دى استنى كدة وخلينا نتفرج على التفلزيون جايز نشوفه وهو فى التحرير
يا ولية تشوفية ازاى والميدان بيقولك فية كام مليوم دلوانتى رشيت الملح مش هيقع على الارض من كتر الخلق ربنا يستر ويرجع بالسلامة
خلى بالك هو قال هيبات هناك
كمان هيبات وشغلة
هو واخد اجازة وهو شاب وكل شباب مصر هناك هيقعد يعنى جنبا فى البلد اللى لافيها لا حس ولاخبر خليها يشارك زى كل الشباب
ربنا معاة
وجه ميعاد العشاء وخبر عاجل
الرئيس يتنحى
والام تزرغد وتبكى من هول ماتشاهد عبر الشاشات غير مصدقة
هنا ياتى الحاج الثمانينى ويقول مالة الراجل دة كان فى حالة وكويس العيال دى مش متربية وقلالة الادب
تتدخل الحاجة وتقولة يا ابويا دة راجل مش كويس انت شايف حالنا عامل ازاى وكل المشاكل اللى احنا فيها دى من تحت راس عمايلة لا تعليم ولا صحة ولا تامين اجتماعى وايجار ومبيدات وكيماوى غالى كل حاجة غالية مش عارفين نعيش منه لله يروح ربنا ينتقم منه
الحاج سيد ياتى مسرعا شفت البيان مبارك تنحى والولاد نجحوا والبلد هتبقى حاجة تانية زرغدى يا ام العبد
يلا بينا كلنا نروح على دوار العمدة ونتفق بقى على اللى هيحصل
العمدة طالما الثورة نجحت يبقى هيحلوا مجلس الشعب المزور والشورى والمجالس المحلية والبلد هتنضف واحنا بقى عايزين نرصد كل مشاكلنا ونكتبها بقى كدة نقطة نقطة ونروح بيها على حكومة الثورة وهى هتحقق لنا كل حاجة
اولا عايزين من يمثلنا فلاح بجد مش بية عمرة مزرع الارض ولا عاش عيشتنا واحنا هندعمة ونقف وراة من غير فلوس ولا دعاية ولا مصاريف وكمان نشوف حكاية الارض اللى اغتصبها مبارك دى وخدها من الفلاحين وموضوع الايجار والمبيدات والكيماوى والتقاوى ويرجع تانى المشرف الزراعى والجمعية التعاونية تشتغل وبنك التسليف اللى خرب بيوت الفلاحين والتنمية والائتمان الزراعى
ياة ياحاج هو انت عايز الحكومة تبقى فضيالك وتشوفلك كل مشاكلك هو من امتى كانت اهتمت بينا ولا اعتبرتنا ناس عايشين فى البلد دى
يا حاج اطمن شفت عبدالناصر لما قام بالثورة حصل اية مش جايز يامموا الارض اللى الناس سرقاها ويوزعوها على الفلاحين والواحد يخدلة كام فدان وبروح يستصلحهم ويبنى بيت لينا وللولاد واهوبالمرة يشتغلوا معانا فى الارض
انت بتحلم الارض كلها باعتها الحكومة بتاعت نظيف
اصبر انت بس وكل شىء هيبقى تمام
بقولك اية الوقت اتاخر بكرة الصبح نكمل
اتصلوا بالواد اللى فى مصر اطمنوا علية دلوقتى علشان اطمن
وربنا يسهل
ونستكمل غداااااااااااا
مش طمعان ولا عايز حاجة من الدنيا غير الستر يقول فى صمتة وفى سكونة انه نفسة يعلم ولادة ويعرفوا يقرو ويكتبوا ويكونوا بهوات زى الاستاذ عبدالعزيز فيلسوف البلد اصلة واخد الابتدائية القديمة وشغال فى تفتيش الرى والناس كلاتها بترجعلة فى الكبيرة والصغيرة واصلة المتعلم الوحيد فى الناحية كلها
علم ولادة على الحب والعمل والتسامح والطيبة فى دمهم والكرم طبع اصيل فى عروقهم صحيح هما ناس غلابة والحال معتشى زى زمان كان زمان جدى بيفطر بالسمنة البلدى وبياكلوا من خير الارض لكن دلوقتى الارض جحدت ومعديتشى حتى زى زمان بقم بيبيعوا لبن البقرة والجاموسة علشان يصرفوا والايجار اللى زاد عليهم كبلهم من ايديهم ورجليهم وهمابيمنوا نفسهم لو هما اصحاب الارض كانوا قدروا يوفروا تمن الايجار اللى بيجيبوة من كدهم وعرقهم لكن اليد قصيرة والعين بصيرة
معتشى فية زراعه زى زمان وغابت دورة الاحواض الزراعية مهو هما لو مشيوا عليها يبقوا هيشحتوا ولا هيدفعوا ايجار ولا هيلاقوا يكلوا بدل زراعه القمح زرعوا اللب وبدل زراعه الرز زرعوا بسلة وبنجر عايزين زرعه سريعه ومكسبها قريب مش عايزين زرعه موسومية وتطلع عينهم فى المقاومة والشغل ومن هنا بدأت الاحوال تسوء واصبح الفلاح بيشترى العيش من الفرن بعد ماكان بيخبز جوة البيت وبيروح يشترى الدقيق بعد مكان عامل مخزن صومعه من الطين بيخزن فيها قمحة طول السنة ومعتش فية فرق بينة وبين رجل المدينة بيروح يشترى زية بالظبط كل حاجة
والحكومة كل شوية تشتغلهم الكيماوى غالى والايجار غالى والمبيدات غالية حتى كرة الارض لولا الملامة كان سابها وطفش مهى معدتشى بتجيب همها لو جه حسب الزرعه زى الحاج حسيب من يوم مازرع الارض قطن وهو عمال يقيد فى الدفتر جبت كيماوى بكام ورويت الارض ومبيدات وانفار جمع وتنضيف وحصاد وباع المحصول فى الاخر طلع خسران 399 ج بالتمام قال بردة احسن الواحد لو قعد ومرحشى الغيط ممكن يموت زى السمك لو طلع من المية كان مات
رغم ان البرلمان الموقر بيقول 50فى المية عمال وفلاحين ولكن يا عيب الشوم لاعمرة دخل البرلمان ولا جلس تحت القبة فلاح لكن بيكون لواء ولا رجل اعمال بدرجة فلاح وهو فى وادى والفلاحين فى عالم سماوى اخر يشوفوا سيادة النائب مرة قبل الانتخابات ومرة وهو مترشح للدورة الجاية ودمتم وهو يا عينى قاعد يهاتى وياكل فى نفسة والارض قاعدة تاخد من راحتة وتعبة وشقاة وهو مش عارف ياخد حاجة
وعمرة ماينسى يوم اسود كان بيزرع الارض وبيدفع الايجار للجمعية الزراعية جة مبارك لعنه الله فى كل السموات والاراضين السبع بجرة قلم خد الارض اللى ورثه عن ابوة وقال دى طلع لها ملاك اصل عبدالناصر اخدها ظلم ومن هنا جاءت الكوارث معظم الفلاحين سابوا الارض بالقوة وعايزها هتاجرها وبعد ماكان بيدفع ايجار 450 ج اصبح بيدفع 4000 ج وده رقم لو مسكة فى ايدية يبقى اصبح مليونير ومحدش هيعرف يكلمة
جدى كان بيقولى زمان كل الناس كانت بتتجوز فى موسم القطن يتباع المحصول والكل يتنغنغ دلوقتى طير انت لعاد قطن نافع ولا حتى بقدونس احنا عايشين فى الارض علشان منموتش بس وبيعانى الامرين
وطبعا الحكومات البهية والاليكترونية مفيش على خريطتها مواطن اسمة فلاح دول اخدوة فى الكتب بس ميعفوش حاجة عنه غير اسمة ولا تعليم كويس فى قراهم ولاخدمات صحية ولا يحزنون ولا اسفلت ولا ولا وعايش كانة ميت عمرة ماكان بيطلب ولا عمرة اشتكى ولا بكى رغم انه بيئن طوال الوقت من اللى بيحصلة ومن القرارات اللى بتاخدها الحكومة من غير ما تاخد راية ولكن فى البرلمان ممثليين عن الفلاحيين هما فعلا ممثلين مش كومبارس ولكن ليسوا فلاحيين وهو ياولدها عمال يشرب مقلب ورا مقلب وبيقول هانت كلها خطوة ونروح نرتاح ورحتة فى الترب حيث يوارى علية التراب يقوم من الفجر وينام بعد العشاء والفلاح الفصيح فيهم هو اللى يتجلد ويسمع نشرة 9 يعرف اخبار مصر والدنيا ويقعد يضرب كف على كف من كل اللى بيحصل
قامت الثورة وهو متابع بردة لا اشترك ولا هتف وكان برده بيسرح غيطة كل يوم ويطمن من وقت للتانى على احفادة وولادة اللى عايشين فى المدن ويطلق لهم تحذيراته شديدة اللهجه ملكشى دعوة بالمظاهرات امشى جنب الحيط ياابنى احنا مش قد الحكومة دول ناس ايديها طايلة واحنا غلابة الاستكانة طبعه هو يعرف شىء واحد فقط يكررة كل يوم ان يهب الى الغيط ليعمل حتى ولو كان عملة لايدر علية عائد هو يعمل فقط
لكن بردة الاحداث كان لها مفعول السحر وكل الناس بتتكلم وبتقول الدنيا مولعه فى مصر وفى المدن وطبعا القرية كل شىء فيها طبيعى الكل بس عمال يتفرج على التلفزيون ويقول فى نفسة ربنا يستر على البلد احنا هيحتلونا وممكن يضربونا بالنار وممكن يطفشوا ويجوا عندنا ويعملوا فينا زى بتوع دنشواى
د الظابط لو نزل من المركز ومشى لوحدة هيرعب المنطقة كلها دول العيال بتوع مصر بيقولوا يسقط حسنى مبارك مش ظابط المركز يا وقعه سودة عليكوا يا بتوع مصر دول عيال قادرة ومعندهاش خشى
يرد الحاج سيد ويقول ربنا معاهم ويقع العنتيل يقصد مبارك دا بقى لو وقع واتحاكم البلد هتنضف وممكن يرجعولنا الارض اللى سرقها مننا ويرخصوا المبيدات والكيماوى والايجار وقعد يعدد كل الحاجات والمحتاجات اللى هيستفيد بيها من قتل مبارك ونرجع نزرع زى زمان والخير يعود د راجل وشة شؤم من ساعه ماريحة هب علينا واحنا مشفناش منه غير كل شر اذا كان هو واللى اسمة يوسف والى الله يجحمة
قوم بينا ياحاج سعيد نصلى العصر علشان نرجع نشوف اخرة الايام دى اية تصدق الواد ابنى خريج طب اصرف علية دم قلبى وفى الاخر بيقبض 250 ج مش دى حاجة تقرف
قالة اسكت د ناظر المدرسة بقالة 23 سنة شغال وبياخد 550 ج ولولا مكافاة الامتحانات مكنش عرف يجوز ابنه ما انت عارف العنانى اللى اتخرج بقالة 7 سنين وقاعد مش لاقى شغل سافر سنتين برة واهو رجع بنى شقة وهيتجوز وخلاص اهو يلطش يوم بقى من هنا ويوم من هنا لحد ماالامور ما تعدى واهوزى غيرة انا قلتلة ادخل كلية تربية وكان هيشتغل مدرس على طول ويتعين وكان زمانة جه البلد
يرد الحاج صابر وهو لسة جى يقولة اتبسط ياعم معتشى اى كليات بتوظف خلاص واحنا نصرف وفى الاخر العيال يطلعوا يقعدوا جنبنا وتيجى تقولة اسرح الغيط يقولك مش عارف اية اسكت ياحاج الله يخليك علشان علاء ابنى بقال كام سنة متخرج ولا فية شغل ولا مشغل وقاعد ازق فية انه يعمل حاجة مفيش اهو نايم طول النهار وصاحى طول الليل كل اللى طالع فى دماغه انه عايز يسافر اطاليا بلد خواجات او فرنسا زى بتوع ميت بدر حلاوة ودى علشان يسافرها هتاخد فدان ارض فى وشها وجايز يرموة فى البحر والواد دة اللى حيلتى على اخواتة البنات مش عار فاعمل اية
انت تقول للعمدة اهو بردة كبير البلد يقعد معاه جايز يسمع كلامة ويخاف
دة كان زمان دة جيل نمرود اليومين دول كل يوم يصحى من بدرى ويسافر البندر يروح المظاهرات قال اية عايزين يسقطوا النظام
افتح التلفزيون ياحاج سعيد واندهه ام العبد تعملنا شاى وتجبلنا حتة جبنة حدقة وطمطمتين ونشوف سى مبارك هيعمل اية مع الولاد بتوع المظاهرات
ام العبد تخرج بالشاى وتقول يحرق قلبة مبارك على ولادة زى ما بيموت شباب البلد مش كفاية السرقة اللى بيسرقوها والولاد اللى مش لاقية شغل ولا عارفين يسفلولنا حتت الطريق دة ولا يدخلولنا مجارى
الحاج سعيد اية يا ام العبد انتى بتتكلمى زى بتوع التحرير ولا اية كمان شوية تروحى المظاهرات
الود ودى اروح وادعى للعيال دول ربنا يوفقهم اقعد يا حاج الراجل دة لو انشال كل شىء هيبقى كويس وهنلاقى شغل للعيال ومش هنحتاج للارض اللى مش عارفين نسد ايجارها واهو احنا كبرنا ومن حقنا نرتاح
تعرفى فعلا للو العيال دول يوقعوا الاسد مبارك كل مشاكل البلد هتنحل يعنى ولا هيجى ابنة ولا اية اللى هيحصل ربنا معاهم كل يوم فى صلاتى بدعيلهم ربنا ينصرهم
انا مقلتلكشى ابنك انهاردة صحا من الفجر وقال انا رايح اشارك فى جمعه الرحيل معرفشى بتاعتة اية دى استنى كدة وخلينا نتفرج على التفلزيون جايز نشوفه وهو فى التحرير
يا ولية تشوفية ازاى والميدان بيقولك فية كام مليوم دلوانتى رشيت الملح مش هيقع على الارض من كتر الخلق ربنا يستر ويرجع بالسلامة
خلى بالك هو قال هيبات هناك
كمان هيبات وشغلة
هو واخد اجازة وهو شاب وكل شباب مصر هناك هيقعد يعنى جنبا فى البلد اللى لافيها لا حس ولاخبر خليها يشارك زى كل الشباب
ربنا معاة
وجه ميعاد العشاء وخبر عاجل
الرئيس يتنحى
والام تزرغد وتبكى من هول ماتشاهد عبر الشاشات غير مصدقة
هنا ياتى الحاج الثمانينى ويقول مالة الراجل دة كان فى حالة وكويس العيال دى مش متربية وقلالة الادب
تتدخل الحاجة وتقولة يا ابويا دة راجل مش كويس انت شايف حالنا عامل ازاى وكل المشاكل اللى احنا فيها دى من تحت راس عمايلة لا تعليم ولا صحة ولا تامين اجتماعى وايجار ومبيدات وكيماوى غالى كل حاجة غالية مش عارفين نعيش منه لله يروح ربنا ينتقم منه
الحاج سيد ياتى مسرعا شفت البيان مبارك تنحى والولاد نجحوا والبلد هتبقى حاجة تانية زرغدى يا ام العبد
يلا بينا كلنا نروح على دوار العمدة ونتفق بقى على اللى هيحصل
العمدة طالما الثورة نجحت يبقى هيحلوا مجلس الشعب المزور والشورى والمجالس المحلية والبلد هتنضف واحنا بقى عايزين نرصد كل مشاكلنا ونكتبها بقى كدة نقطة نقطة ونروح بيها على حكومة الثورة وهى هتحقق لنا كل حاجة
اولا عايزين من يمثلنا فلاح بجد مش بية عمرة مزرع الارض ولا عاش عيشتنا واحنا هندعمة ونقف وراة من غير فلوس ولا دعاية ولا مصاريف وكمان نشوف حكاية الارض اللى اغتصبها مبارك دى وخدها من الفلاحين وموضوع الايجار والمبيدات والكيماوى والتقاوى ويرجع تانى المشرف الزراعى والجمعية التعاونية تشتغل وبنك التسليف اللى خرب بيوت الفلاحين والتنمية والائتمان الزراعى
ياة ياحاج هو انت عايز الحكومة تبقى فضيالك وتشوفلك كل مشاكلك هو من امتى كانت اهتمت بينا ولا اعتبرتنا ناس عايشين فى البلد دى
يا حاج اطمن شفت عبدالناصر لما قام بالثورة حصل اية مش جايز يامموا الارض اللى الناس سرقاها ويوزعوها على الفلاحين والواحد يخدلة كام فدان وبروح يستصلحهم ويبنى بيت لينا وللولاد واهوبالمرة يشتغلوا معانا فى الارض
انت بتحلم الارض كلها باعتها الحكومة بتاعت نظيف
اصبر انت بس وكل شىء هيبقى تمام
بقولك اية الوقت اتاخر بكرة الصبح نكمل
اتصلوا بالواد اللى فى مصر اطمنوا علية دلوقتى علشان اطمن
وربنا يسهل
ونستكمل غداااااااااااا
ليست هناك تعليقات:
إرسال تعليق