1- قولوا للحاكم جوه القصر
انتوا عصابة بتحكم مصر
2- تقطع ميه ..تقطع نور
تبنى السجن ..تعلى السور
يوم 30.. هتغور ..هتغور
3- أصل اللى حاكمين البلد
عصابة وشلة لصوص
زيهم زى الهكسوس
زيهم زى التتار
استعمار ...استعمار
4- لما يبقى الدم رخيص
يسقط يسقط أى رئيس
دم الشهداء غالى غالى
دم الشهداء المجد العالى
دم ولادنا للحرية
مش لعصابة اخوانجية
الاسفلت بيصرخ ليه
د م الشهداء سال عليه
جابر جيكا يابطل
دمك بيحرر وطن
ياحسينى يابطل
دمك بيحرر وطن
محمد جندى يابطل
دمك بيحرر وطن
ياكريستى يابطل
دمك بيحرروطن
وحياة دمك ياشهيد
ثورة تانى من جديد
5- ثورة ثورة ف كل مكان
ضد المرشد والاخوان
ثورة ثورة حتى النصر
ثورة ف كل شوارع مصر
ثورة ثورة ف كل حتة
ثورة ثورة فى 30 ستة
والعصيان المدنى العام
هوه طريقنا لقدام
وان قتلونا ف الشوارع
كل الشعب المصرى طالع
وان ضربونا بالرصاص
اتعلمنا اللأه خلاص
أقفل ع الحرية الباب
مرشد عار ورئيس كداب
أقفل ع الحرية النور
مرشد عار ورئيس طرطور
اعتصام ..اعتصام ...
حتى يسقط النظام ...
6- مسرحية ...مسرحية
والعصابة ..هيه ....هيه
بس بدقن وجلابية
والعدالة الاجتماعية !!!!
هيه فين يابلديا ؟!!!!
لسه السرقة زى ماهية
لسه الرشوة زى ماهية
والبطالة زى ماهية
والفساد مية لمية
العدالة الاجتماعية
هيه طريقنا للحرية
الموظف حقه فين ؟!!!!
والفقير حقه فين ؟!!!!
طب والعامل حقه فين ؟!!!!
حق العامل والفلاح
هوه طريقنا للكفاح
7- خيرت شاطر ده مش داري
بهم الفقراء في الحواري
شربوا الفقرا المر سنين
يا ما ليالي باتوا جعانين
شربوا المر وشربوا القهر
وبيستلفوا طول الشهر
خلوا الفقرا تشوف النور
زودولهم الأجور
خيرت شاطر خيرت بيه
كيلو اللحمة ب100 جنيه
وبكرة العيش بالكارنيه
8- يا سلطان زمانك دبح
وأحبس كل ولاد الشعب
هية الكلمة في بلدي حرام
والا عايزنا نعيش أغنام
ناكل نشرب نصحي ننام
أحبسوا كل ولاد الشعب
بكرة نشوف مين الغالب؟!!!
انتم وألا جموع الشعب
بص وشوف أول شهيد...
الشهيد الأول راح ... وأحنا هنضم الجراح ...
والشهيد الثاني راح ... وأحنا هنضم الجراح ...
والشهيد التالت راح ...واحنا هنضم الجراح
وإن خطفونا من الشوارع ... كل شباب الثورة طالع ...
تاني وثالث... رابع طالع
وبكرة تردد جوه الحلق ... شباب الثورة كان على حق
شباب الثورة كان على حق
9- أقسم بالله العظيم ...أن أكون مخلصا ..لأهداف ومبادىء...ثورة 25 يناير ...ولدماء الشهداء ...وأن أسعى جاهدا ...لإسقاط النظام ...وتحقيق العيش ...والحرية ...والعدالة الاجتماعية ...والكرامة الإنسانية...والله على ماأقول شهيد
عاش شهداء ماسبيرو
عاش شهداء محمد محمود
عاش شهداء مجلس الوزراء
عاش شهداء العباسية
عاش شهداء الاتحادية
وأشهد يامحمد محمود
كانوا خرفان
وكنا أسود
10- احلق دقنك بين عارك
تلقى وشك وش مبارك
افرح افرح يامبارك
مرسى بيكمل مشوارك
لا انتخابات ولا دستور
لم جماعتك ياللا وغور
لم المرشد ياللا وغور
ارحل...................
ارحل ...................
ارحل يعنى أمشى
ياللى ما بتفهمشى
خيرت شاطر حلق حوش
مشروع نهضة طلع فنكوش
مشروع نهضة طلع خرطوش
