مبسوط يا سيساوى

مبسوط يا سيساوى .

بهذة العبارة قابلنى جارى  والذى انطلق بعدها مدفع عباراتة النارية وأنا اصغى لكل ما يقول دون ان اقاطعه وقد أعطاة ذلك فرصة لينطلق بكل قوتة فى هجومة وبدأ يعلو صوتة .انتوا وديتوا البلد فى داهية ويرد على نفسة فى معظم الوقت هو أصلا بقى فية بلد .بعد ان فوضتوا القاتل لقتلة ابنائنا واخواننا فى الله اكثر من عشرة الاف شهيد فى رابعه وبخلاف الجرحى ماتوا بدون شفقة ولا رحمة وكانهم لاينتمون الى جنس البشرية يا ظلمة .

وبعدين تنقلبوا على الراجل الطيب قارىء القران الكريم الموحد لربة .هو علشان طيب ومالوش فى انتهازيتكم تعتقلوة هو ورجالتة .وتسرقوا مشروعه لقناة السويس ولما يعرضة هو تعترضوا وتقولوا امن قومى وماكينة شائعتكم تسرى فى الهشيم دة هيبيبع البلد وهيتنازل عن حلايب وهيؤجر اثار مصر لقطر .

طب بزمتك الوزير الشاب المحترم باسم عودة اللى كان طول الوقت فى الشارع بين الشعب تسجنوة لية بعد ماكان هيقضى على كل اللصوص والفاسدين ويعدل الحال المايل ويوفرلنا التموين اللى حتى عايزين تحرمونا منة وتقوللنا منظومة جديدة وانتوا بتاجروا فى السوق السودة بحقوقنا .

ماهو ابن اليهودية السيسى دة مش هيورد على جنة انت عارف ان اصلة اصلا يهودى حتى سوزان مبارك كانت يهودية انتوا عايزين اليهود يحكمونا عايزينا نعيش عبيد تحت البيادة بتاع الجيش اللى كوش على كل حاجة واى حاجة بياخدها عفية وبالقوة واللى مش عاجبة يروح ورا الشمس .

ياراجل حرام عليكوا دالراجل مكملش شهر وانتوا واقفينلة على الواحدة لاشرطة عايزة تشتغل معاة ولا جيش ولا محافظة ولا اى حد كلة نفض ايدة وقلة البس ياريس ورينا الهمة هيشتغل ازاى

وكمان الاعلام بتاعكوا مسكوة غسيل ومكوة كل يوم وهو راضى ويقول احنا فى عصر الحرية المهم النتائج لما عملتوا غسيل مخ للشعب الطيب استغليتوا فقرة وقلة التعليم فى استقطابة وتقولى احنا المستقطبون .

اوعى تفكر ان البلد دى هتهدى ولا هتقوم تانى ويكون لها قومة هنفضل فى مظاهرتنا السلمية فالله لا يصلح عمل القوم المفسدون .

ولا انقطاع الكهربا المستمر اللى خلى الناس تطلع من هدومها والمصانع اللى اتقفلت والبيوت اللى اتشردت دة لو كان بيحصل ايام مرسى كنتوا ولعتوا فية حد فيكوا يقدر يتكلم ولا يفتح بقة .

الراجل كان عندة مشروع وبقالنا 80 سنة بنتعرض للسجن والاعتقال والمحاكمات العسكرية والتشريد والاضطهاد ومصادرة شركاتهم تفكر ناس زى دى هتظلم وهى اللى عاشت فى الظلم واتظلمت طول عمرها ودفعت الضريبة من حياتهم وعمرهم

بكرة مرسى يرجع وهيرجع ويعاقب كل الانقلابيين وكمان مبارك ورجالتة اللى بيحكموا دلوقتى من ورا الستارة ويطلع المتظاهرين المعتقليين ويحرر البلد من عبيد البيادة وحكم العسكر .

احنا تذوقنا الحكم المدنى الحقيقى على ايد مرسى لكن للاسف سرقتوا الثورة وخنتوا دم الشهداء وبكرة نتقابل بعد ماكل حاجة ترجع لوضعها الطبيعى

وبعد ان اخذ نفسة من الكلام المتتالى وانا اعرف جيدا ان الدخول فى نقاش لا جدوى منة .فقلت لة ربنا يسهل ان غدا لناظرة لقريب هقوم انام علشان اروح بكرة الاسماعيلية اشارك فى مشروع مصر القومى بحفر القناة الجديدة وبعدها ازور العلميين واروح توشكى احنا عندنا شغل كتيير ومش فاضيين تصبح على خير .