من قبل الثورة واحنا نفسنا البلد يحدث فيها تغيير وأقصى احلامنا ان تيجى حكومة تحس بالشعب وبمشاكلة وان ينزلوا من برجهم العاجى ويبطلوا تصريحات ورغى وكلام لبيقدم ولا بيأخر وطبعا بيساعدهم اعلام غبى واحنا كلنا قاعدين مثل المشاهدين فينا اللى بيفرق فى ايدة ويقول استغفر الله العظيم وفينا اللى يتمادى ويشتم ويلعن وفينا اللى يقول يا عم احنا مالنا هو احنا قد الحكومة.
وبمناسبة قد الحكومة دى واحنا صغيرين كنا مفكرين ان الحومة دى سوبر مان تقدر تطير من غير اجنحة وتقدر تعمل اى حاجة وكانوا بيخوفونا بالظابط وتسأل اى حد عايز تبقى اية لما تكبر يقولك ظابط بوليس امسك الحرامية واركب الحصان واعمل زى اميتاب تشان واطير وانط حاجة كدة زى سوبر مان وانة فوق المسائلة وان الشخص الوحيد اللى مفيش حد يقدر يقولة هات بطاقتك.
والاغرب من ذلك ان كل شىء فى البد كان بالوراثة تكون ضابط شرطة بالوراثة تكون وكيل نيابة بردة بالوراثة تكون مذيع صحفى دكتور فى الجامعة اى شىء بالوراثة وده كان شىء يغيط تقرأ صفحة الوفيات تلاقى توفى المستشار الفلانى والعايلة كلها مستشارين واللواء الفلانى تلاقى العيلة كلها قاعدة عسكرية أو داخلية وهلما جرا حتى الفن بالوراثة عائلى بالمعنى الصرف طب يا جماعه بتعملوا معهد سينما ومعهد فنون مسرحية لية طالما الاب يورث ابنة وابنتة وزوجتة بيت فنى شارب الفن من كعانة وعلشان تلاقى حد عند موهبة يبقى موت يا حمار على ما تيجى الفرصة .
كنت اتأمل كل ذلك وأقول لنفسى مفيش أمل برغم اننى اعترف انه يوجد فلتات وتهرب برة مصر لانهم حصلوا على الفرصة بمجهودهم وبارادة الله والدليل ان مصر تملك كوادر فى كل ميادين العمل لكنها تعمل خارج البلد مكنوش عايزين البلد تتقدمولا عايزين الناس تفهم وتحس كل همهم يكنزوا الغنائم ويستعبدوا الشعب وكانت اخرتها هيسلمونا البلد بالصكوك وكل واحد مسئول عن نصيبةيبيعه بقى يأجرة الحمد لله ان الثورة قامت وانقذت الغلابة قبل ما يبقوا اغلب من الغلب ذاتةوالمصرين اللى خدوا الفرصة وهربوا برد البلد يخدموا بعلمهم وأول ما واحد ياخد فيهم جايزة عالمية يقولوا مصرى ويعترفوا بيه انه مصرى ونقول بالمرة بقى نكرمة ونديلة قلاده النيل ولا اى حاجه علشان العالم حاجة تغيظ صح ولا انا شيوعى المهم.
نزعل احنا لما مبارك يورث كرسى الحكم لابنة لا يا جماعه احنا معندناش حق يعنى توافقوا فى كل الاعمال فى البلد انها تورث والشعب الغلبان دة كلة اللى ورث الفقر والجوع والقهر والتعذيب مالوش نصيب فى اى حاجة فى البلد .
لذلك ارى ان تكون الثورة شاملة وان يتوقف مسلسل التوريث فى كل الوظائف لو ابوك شغال فى البترول يقولك الاولوية لابناء العاملين لو ولو حاجه تقرف بجد نحن لن نرى تقدم فى البلد الا اذا انصلح كل الناس واصبحوا سواسية فى كل شىء كنت بقول دايما ان عبدالناصر دخل الحربية بالواسطةوالسادات ومبارك وكل من يقفون فى اعمالهم بالواسطة والمحسوبية دى كانت سبوبة بيكسب منه افراد النظام وحطين تسعيرة لكل وظيفة يعنى النيابة غير الشر طة غير الحربية غير وغير وغير وهما بيسترزقوا وانا الطموح اللى لا املك الفلوس يبقى اتحكم عليا اتفرج واشاهدومش من حقك تزاحم علية القوم لا فى مناصبهم ولا فى ترفهم هما ولاد الناس والباقى ولاد لمؤاخذة.....
نفسى بجد نترك للكفاءات تشتغل فى مجالاتها وكل واحد يروح يعمل ما يحب حتى يعطى فية ويكون هناك عدالة فى كل شىء ميكونشى فية فرق بين موظف فى البترول عن موظف فى الصحة يكون كل موظفين الدولة واحد ميكونشى فية ميزة تفرق ده عن دة نحتاج العدل لكن اظاهر مفيش عدل عند البشر العدل موجود عند ربنا بس والبشر كلهم ظلمة ومحتاجين مليون ثورة على انفسهم حتى يحققوا العدل دالو حققوة .
حتى اننى اصبحت غير مقتنع بأ شىء وفقد الامل فى كل شىء وان التغير لو لم يتم داخل النفوس يبقى مفيش تغير فهل هنلاقى اليوم نلاقى ابن البواب وكيل نيابة ولا مذيع ولا ولا ومنقولشى غير مؤهل اجتماعيا اتمنى رغم انة مستحيل ومحدش يقولى الثورة هتغير وتعمل وهتشغل ووو كل دة قضا سيعود اصحاب النفوس الى سابق عهدهم وبلاش نكدب على بعض انه هيحدث تغير مش هيحصل ولو حصل هيبقى فى اضيق حدود
على العموم انا نفسى تكون كل مصر كل اهل مصر اخوة بجد عندهم احساس ان البلد دى بلدهم وليهم فيها حق ولازم يخدوة يارب هو مجرد سؤال هل سيحدث التغير المنشود ولا هنكتفى باننا استطعنا ان لا نورث الحكم فقط وكل شىء فى البلد مورث 
ليست هناك تعليقات:
إرسال تعليق