حوارات خاسرة

شفت بقى اللى حصل ؟

قول خير هو انتوا يجى من وراكم خير انتوا عايزين جنازة اصلا

انا بجد مبهزرش والله .مش السيسى بتاعكم راح يحارب فى اليمن بعد ما قبض من دول الخليج .عرفت بقى رئيسكم بتاع تحيا مصر هيموت شبابنا علشان دولارات دول الخليج اللى قبضها ولازم يدفع التمن .هى فعلا مسافة السكة زى ما قال .

انت فاهم غلط لا كلكم فاهمين غلط الموضوع مش كدة خالص دة امن قومى وحماية للوطن قبل ما يكون حماية لدول الخليج وحماية باب المندب وقناة السويس اللى ممكن تكون ميتة وحماية لتغلغل النفوذ الشيعى فى المنطقة والحلم الفارسى للسيطرة عليها

ومين قالك ان السيسى لوحدة كل الدول العربية مؤيدة التدخل فى اليمن لحماية اليمن من المليشيات المسلحة من الحوثيين المدعومين من ايران واللى بيهددوا المنطقة كلها .وشفت باكستان اللى فى اخر الدنيا جات تشارك وامريكا وروسيا والصين يبقى لازم نخلى فى عينا حصوة ملح ويكون فية قوة ردع عربية لحماية انفسها ونثبت للعالم ان العالم العربى قوة لا يستهان بيها .

هقولك اية ما السيسى عملكم غسيل مخ كلكم ايديكم ملوثة بالدماء .انقلابى بيحارب انقلابى زية بدعوى شرعية رئيس قدم استقالتة وهرب من العاصمة

هو انت مش عارف انهم اجبروه وحددوا اقامتة هو والحكومة دة يبقى اية انقلاب ولا اية بالظبط .على العموم انا مش عارف لية بجاريك فى الحديث وانا عارف كويس انك مش هتقبل كلامى ولا هتصدق المنطق والعقل اللى بيقول ان هناك خطر حقيقى بيهدد المنطقة كلها والامن القومى المصرى وان المشاركة فى عاصفة الحزم هى مشاركة عربية مجتمعه وذلك لتوحد المصالح وان القمة العربية المرتقبة ستخرج لاول مرة بنتائج ايجابية وان رؤساء اركان حرب الدول العربية سيجتمعون بعد شهر للبدء فى تكون جيش عربى موحد وان ذلك تكون بداية لسوق عربية مشتركة وغيرها من اطر التكامل فى كل المجالات ولكن انتوا للاسف عايزين خراب ودمار وحرب

بقى جيش المكرونة هيحارب ولا الانقلابى ربنا هينصرة دة جيش مرتزقة بيروح يحارب بالوكالة للى يدفع اكتر هو يقبض دولارات ثمن قتل جنودنا عن دول بتساند انقلابة بكرة مرسى راجع وهيصلح كل الاوضاع دى  واحنا غير مسئولين عن اى اتفاقيات تمت من الخسيس وان غدا لناظرة لقريب .

تصدق بالله لولا العلاقة الانسانية اللى بينا كان يبقى لى موقف اخر مع مهاترتك الصبيانية عيب انت متعلم ومثقف ولا تنجرف ورا كلام ارعن اهوج وشغل عقلك جايز تفهم .احنا اقوى جيش فى المنطقة واحنا القوى الوحيدة اللى بيتعمل لها الف حساب مش جيش مكرونة لا احنا خير اجناد الارض واحنا نؤيد الرئيس فى مشاركتة اشقائة العرب فى حربة ضد مليشيات اليمن وتامين امننا الاقليمى وباب المندب ونؤيد الحرب ضد داعش فى ليبيا لتأمين حدودنا ونؤيدة فى حربة ضد الارهاب والمتطرفين فى الداخل ونؤيدة فى كل خطواتة فى التنمية داخل مصر ونبارك لة نجاح المؤتمر الاقتصادى وان شاء الله نجاح القمة العربية وعودة مصر لدورها الاقليمى العربى والافريقى والدولى ان شاء الله وحفظ الله مصر من شروركم

شرورنا شكر لك

نعم حفظ الله الوطن من كل اعدائة والمتربصين له بالشر فى الداخل والخارج

وحفظ الله الجيش .