ابعد يا شيطان ابعد يا شيطان

مش عارف الناس جرلها اية كل واحد معتشى طايق للتانى كلمة ولا طايق نفسة اساسا وكانة خارج الصبح من بيتة عايز يتخانق وخلاص وزى مبيقولوا فى الامثال طالع يقول للشر اشتر وتعالى ياشيطان ناخد لفة فى مصر المحروسة ونعملنا كام بعكوكة ونوقع كام حى فى بعضيها تلاقى شارع عبدالعزيز بيخانق بعضة والحاج عوضين تبعه كتير واتصل المعلم حسانين بولاد اخواتة وهما كمان اتصلوا باصحابهم والكل جه جرى يخدم ومن غير سؤال هو فية اية اضرب يا جدع والكل دور الضرب فى بعضية وكده هاصت قال الشيطان لتلميذة شفت انا عملت اية يلا بينا تعالى نشوف حتى تانية طلع على قسم الساحل وطلع المساجين من الحجز  وهو على كدة طول النهار ماشى فى مصر المحروسة ومتقولشى ان الناس مستنية حد ينكشها على طول مبيصدقوا زى ما بيقولو عايز ين جنازة ويشبعوا فيها لطم فهل هذة اخلاق المصريين هدوء يا اسيادنا براحه شوية وواحد اعلامية ومنه كتير وواحدة كمان ومنها كتير قاعدين فى برامجهم معرفش بيعملوا اية بالظبط ولا هما عايزين اية دول يا جماعه مشعليلاتية زى الشياطين يوقعوا بين الناس وبعضيها واحد يجلب شيخ سلفى معاة واحد اخوانى واخر علمانى او ليبرالى وطبعا بطبيعه الحال الخناقة تشتغل بعد دقائق من الحوار وتسألهميفهموك انهم بيعرضوا كل الاراء وطبعا للاننا مش واخدين على ثقافة الاختلاف الكل بيضرب بالكرسى ومتعصب لراية وخلاص البلد تصنفت ايشى سلفى واخوانى وناصرى ومسلم ومسيحى وهلما جرا وجالى راجل كبير بقلة البلد راحت على فين قالى راحت وشكلها مش راجع فاكر يا بنى ان احنا كنا بنعدى من اودام القسم خايفين من المخبر دلوقتى بيروحوا يضربوا الظباط ويفتحوا الاقسام خلاص خربت ومش معنى كده انى انا ضد الثورةلا انا مؤمن بهوبكل طلباتها بس عايز الناس تهدأ لحد مانعدى الفترة الانتقالية ومنشمتش فينا اهالى ماسبيرو ومعتصمى مصطفى محومد والعالم اللى احترم ثورتنا اطباء عايز يصلحوا من اوضاعهم ماشى ومدرسين وعمال وكل فئات المجتمع طلباتكم اوامر يا جدعان نشتغل ونجنى ونحصد حد هيحصد بدون زرع ارجوكم ابوص ايديكم حرام عليكم رفقا بمصر فى فى العناية المركزة رفقا رفقا بالحكومة فهى لا تملك عصا سحرية لتحقيق احلام كل البشر من المصريين قلابد ان تتكاتف الجهود ونعتصم ونتحد حتى نقضى على الشيطان ونقولة ابعد يا شيطان ابعد يا شيطان