حاجه ملخبطه لخابيط

مش عارف هو يعنى كاميليا شحاتة اللى هتزود عدد المسلمين يا جماعه تعبتونا لا اكراة فى الدين ودلوقتى السلفيين عايزين كاميليا تطلع ويخرج اخونا الاقباط لا مش هتطلع وان شاء الله تقوم حرب علشان الست كاميليا ويرتاح المتطرفين من الجانبين لولا الملامة كنت شتمت وعليت صوتى على كل الاطراف اظاهر من مكاسب الثورة اننى عرفت ان فية سلفيين وكمان شويه نصنف الشعب المصرى دالاخوان كانوا ارحم ارجع يا عم مبارك وريحنا تانى بقى علشان يرتاحوا ويريحونا انا موافق اتسرق وبلدى بقى تتنهب بس عايشين بدل مكل شوية وقفة احتجاجية مرة كاميليا ومرة مش دافعين غرمات المرور وقال اية المحافظ بتاع قنا عميل ومن الفلول ومرتضى وحكايات ماما ستة وبكرة عمال مصر قال ايه هيحتفلوا بالعيد فى ميدان التحرير بايه ب22 مطلب طب طبق المثل ابخى يا جارية كلف ياسيد طب اطبخ منين طب ما تدينى مصروف البلد فى حاجه الى العمل مش كاميليا والعمال فى حاجه الى زيادة الانتاج مش مطالب ياهووووووو كل مطالبكم مشروعه بس كل شىء فى وقتة واوانة طب نجيب منين والبلد منهوبه ومسروقه وممصوصه ومتخصخصه وطالع مسارينها برة لابد ان تدخل العنايه وفية حد يطلب حاجه من حد بيموت وفى العناية طب استنوا ام البلد تفوق وتنتعش وتخرج من العناية حبكت كل حاجه دلوقتى وحالا دحنا لو عدينا كمية الوقفات الاحتجاجية من بعد الثورة فى 3 شهور حتى الان اكثر من الوقفات اللى اتعملت فى عهد حسنى مبارك طوال 30 سنة استعمار وسرقة لية وعلشان منين وكل ده فى مصلحة مين عايزين نركز شوية وشوية حلوين بجد كل واحد فى مكانة من الزبال اللى بينضف الشارع الى المزارع والعامل والفلاح والمهندس وكل الشعب يركز فى البناء لابد ان نراعى حالة البلد المريض نعمل اية سبهلنا اللى يحرقة خربانة نقوم احنا نكمل عليها قتل وموت دا حتى ميصحش مش كده ولا ايه ولا نقول كمان نهدا كده ونسمع كلام العقل وسيبكوا من المهيجاتية نتظاهر اودام السفارة الاسرائيلية ونغلط فى الجيش ونعيب فى القضاء المصرى ونهين الشرطة ومفيش حاجه عجبانه ويطلع رفعت السعيد يتريق على حكومه شرف ويصفها بالفاشلة يا راجل اتهد واتخمد د الدكتور شرف ربنا يحميه مقعدتش من يوم مجبتوة من ميدان التحرير سيبوا الناس تشتغل ولا هو يعنى اكل وبحلقه الله يهديكم ويرضى عليكم شوية هدوء شويه صغيرين نشجع الاستثمار ويامن المستثمر ان اموالة فى امان وكل واحد يشوف شغلة ونبطل مبدا التخوين اتفقنا