يا عم فكك

قابلتة صديق لم احظ بلقائة منذ بدايات الثورة المصرية قابلتة معانقا وهو يقول ولعتوا البلد يا سعد وهو اللقب الذى احملة تيمننا بسعد زغلول واننى الفتى المشاغب طوال الوقت وجلسنا ودار الحديث وقال عجبكوا اللى عملتوة فى البلد مكنا شغالين فى امان الله واللى بيسرق يسرق بس احنا عايشين انا بقالى خمس شهور عاطل عن العمل ومش عارف هشتغل امتى فى ظل السواد اللى احنا فية ده قلتوا ثورة قلنا خير جى وملايين منهوبة هترجع ونتنغنغ ويوزعوا علينا شوية فكة من الفلوس المسروقة وجات الحزينة تفرح ملقتلهاش مطرح وانا اسمع بانصات ولا اتكلم اريد ان يخرج كل ما فى عقلة وادراكة من كلام فهو نموذج لكثير من المصريين والذى يجب توعيتهم

ثم اكمل حديثة تطلع الحكومة تقولنا المخزون بتاع القمح مش هيكمل كام شهر يعنى هنبقى فى مجاعه وسلام كبير قوى للثورة وشوية يقولولنا ان الميزانية فنيتوا ومش عارفين هنقبض مرتبات الموظفين ازاى بسرعه يا د شرف اعملنا جولة مكوكية اشحتلنا كام مليون نسكت بها الشعب ورجع عمك شرف محمل بالشنط بالهدايا والفلوسات وايشى احتجاجات فئوية والكل عايز يظبط من وضعه وعلى طريقة فيها لخفيها تعرف فية واحد تعرفة كويس شغال فى الغردقة كان فى الحزب الوطنى والمحليات عام مع الموجه وغير طريقة اللعب زى حسن شحاتة وعمل ائتلاف شباب الثورة بالغردقة وعلى جنب كدة برده عمل كام ائتلاف يتساند عليهم وقت الشدة الكل ركب الموجه وانت يا سعد قاعد تخطب وتاعب صوتك وقاهر نفسك ومش هتاخد حاجة دانت ممكن كمان كام يوم ولا كام شهر يسرحك صاحب الشغل ويقولك جبرت قفلنا وتيجى بقى يا عترة تقعد معايا قعدتى الهباب دى تلعن الثورة بالليل وبالنهار 

واللى زاد وغطى معجبهومشى الجيش اللى حماهم راح يقولوا قليسقط المشير والمجلس العسكرى كدة بقت لوز يا عترة يعنى مفيش جيش ولا شرطة ولااى حاجة فى البلد ودى فرصة بقى الواحد ممكن يعمل انقلاب على العمدة عمك السيد الحايس وينفرد بحكم القرية ويعمل حكومة ويسيطر على الغفر والسلاح ويعمل زى عتريس فى الفيلم مع شادية فؤادة وياخد فرصتة .

واستمر يتحدث طوال الوقت وانا اسمع فقط لا ارد علية ثم اكمل وقال.

تعرف ان التلفزيون عامل رعب للناس اوعه البلطجية واللصوص والحرامية والقتلة والناس معتشى لها دية وهنروح بعيد لية ماانت النصاب اللى ضاحك عليك وضرب على فلوس الحديد لقى البلد باظت قال يبقى افك بالقرشينات وانت مش عارف تعمل حاجة يا عم حبيب العادلى مهما كان وسخ فى نظركم الى انه كان عامل ضبط وربط اهو غار اشرب بقى انت من الاخوان اللى عايزين يحكموا وبيتكلموا بكل تناكة وعنتظة احنا مش هنبص للرئاسة المرادى كأنة انعام منهم احنا مش هناخد الا 50% من المجلس شفت كمان بيحددوا ومش عاجبهم اى حزب طبعا انت عارف لية احزاب الشقق المفروشة اللى لو اتطبق عليها قانون الاحزاب الجديدة مش هتعرف تعمل حتى ندوة من 50 شخص مش يعملوا حزب .

شفت بقى كلة الناس دى قاعدة فى المكيف تتكلم وخلاص وعلشان تسأل اخوك محمد تعرف كام حزب فى مصر يقولك يا عم فكك ولو سالتة من وزير السياحه بصفتة شغال فى السياحه ممكن يقولك نظيف والنصيبة لو قالك مبارك لانه من ساعه متولد مشفش غيرة كلة بيتحرك بتوجيهاته وحكمتة المهم خلينى اقولك حاجه انا جيلك معزور فى قرشين ومتقولشى لأ طبعا انت اللى ولعت الدنيا وقعتنى من الشغل مش كل يوم انت كنت فى ميدان التحرير الاقولى بخصوص ميدان التحرير كان فية الكلام اللى قالة طلعت زكريا طبعا زحمة احسن من الاتوبيس وكان فية قلة ادب القناة الاولى والمصرية جايبين الكوبرى وانا مش عارف اكلمك اياميها علشان اطمن عليك بس بصراحة الجزيرة ولعتها نار الله يخربيتها هى السبب بردة قعدتنى من الشغل بس تعرف انا مبلطج على صاحب البيت لحد النهاردة مدفعتش الايجار وقلت لة روح اشتكى واخبط راسك فى الحيطة لفية محاكم ولا شرطة واللى عايز حاجه بيعملها .

ثم قلت لة خلصت كلامك البايخ قال هو انا لسة قلت حاجه عاجبك الشارع قلتلنا اخلاق الميدان ومسلم ومسيحى ايد وحدة والجيش والشعب ايد واحدة وخوتونا باليد الواحدة وطلعت فى النهاية ايد اللهو الخفى فتنة قاتلة وانت بنفسك روحت ماسبيرو ومعرفتش تعمل حاجة وكنت هتنضرب هوده بقى اخوك المسيحى واختك المسيحية اللى كانت بتصب عليك مياة وانت بتوضا وهو اللى كان بيحميك وانت بتصلى اصمللة على دى ايد تقدر تقولهم انتوا لية واقفين ومعتصمين فى ماسبيرو يا بنى البلد خلاص فنيتوا اه لو اعرف اهاجر او اسافر لبنان هناك مزز اخر حاجة وسجاير مالبورو والواحد يعيش بلا فلقة عليك وعلى ثورتكم د مفيش يوم بيعدى الا وفية مصيبة تحصل تخلى البلد ترجع سنة وسنه ورا سنة تلاقى اقل البلاد افضل منك دا احنا لا زراعه ولا تجارة ولا صناعه ولا اى حاجه خالص احنا كلام فى كلام ومشطرنا فى الكلام كلة واحد يطلع من المسئولين يخبطك التصريح الاعلامى تحس انك هتفحت فى الصخر من اجل تحقيق كلامة ثم يختفى هذا المسئول ومتشفشى وشة الا فى تصريحا اخر انا اتخنقت منك ولولا انك صاحبى كنت قطعتك اسكت ياعم ومتجبليش سيرة الثورة اللى لحد انهارده مشفناش منها حاجه كويسة اية شالت مبارك من القصر وحطتة فى المستشفى هو كدة كده عيان وكان لازم ينحط فى المستشفى ربنا يستر بقى على الايام الجاية بيقولوا ان الفلول هتطلع تانى من السجن ويرجعوا على كراسيهم وانا هعمل زى محجوب عبدالدايم فى القاهرة 30 وهقول طظ طظ يا عم فكك ثم سكت وتحدثت انا 

ونظر اليا بكل اهتمام وانا اقول لة لقد اسقطت الثورة الفاسد والنظام ورموزة وانتهينا من عهد فى ديكتاتورية وظلم وان القادم افضل برئيس ينتخب من الشعب بشكل حر ونزية ثم مجلس شعب حر ونزية ثم عمل دستور للبلاد بدلا من الدستور العقيم التفصيلى على ابن مبارك سنسترد ما نهبوة وحصلوا علية ان عاجلا ام اجلا ثم الغاء قانون الطوارىء ولم يحاكم مدنيا امام محاكم عسكرية بعد ذلك ونحن نشكر الجيش على مساندتة للثورة والثورا وان ما تسمعه من كلام فى الاعلام الرخيص هو من بقايا النظام الفاشل فنحن لن نموت جوعا ومصر مليئة بالخيرات ولن نحتاج اموال الخليج فى شىء سوف تجلس تحكى لابك يوما ما انك عاصرت ثورة مصر ولكن اوعى تكدب علية وتقولك انك ذهبت الى التحرير .
صديقى العزيز لقد قمنا بثورة تحاكى العالم عنها ثورة سلمية تطالب بالعدالة والكرامة والحرية اسقطت نظام فى 18 يوما وقادرة على تحقيق كل مطالبها لن ولن يسرق احد تلك الثورة ما تسمعه وتشاهدة من فتنة طائفية او حوادث مفتعله كلها حتى يحلف اكثالكم بايام مبارك ولو عشنا فى الميدان باقى حياتنا ناكل التمر لن نسمح بمبارك اخر وسيحاكم ويعاقب هو وامثالة لقد هرمنا هرمنا من ظلمهم وفسادهم يكفيك الحرية التى تحياها وعملية الترويع هذة مدبرة بغياب الامن المتعمد سنخرج من هذة المعضلة اكثر صلابة سنحمى بلدنا ومقدراتها واقتصادها سينمو وتعود عجلة الانتاج وستتحقق كل المطالب تفائل صديقى العزيز معلشى مضطر امشى دلوقتى علشان عندى حاجه مهمه جداااااااا وعلى وعد بلقاء لاشرح لك فية ثورتنا