قام المجلس العسكرى والحكومة بتفعيل قانون الطوارىء وعمل شوية تحابيش كولشن كان قال يعنى انهم عامليين على زعلنا من المحاكم العسكرية للمدنيين قال بقى نلغى المحاكم العسكرية ونفعل قانون الطوارىء وتكون ايام اللى يتكلم سودة وعليها يا ابا الحاج قامت الدنيا ومقعدتشى لحد دلوقتى وكل التوك شو اللى بيقول كويس واللى مش عاجبة واحنا يا ولداة قمنا بالثورة علشان نفعل قانون الطوارىء ولا نلغية
قام الرجالة قالت نعمل مليونية هى صحيح طلعت مئوية بس بردة صوت الناس ياولداة اللى اتبح من كثر قوايل لا لقانون الطوارىء ولا للمحاكمات العسكرية
ونسين ان الحرائق تبدا بسيطة ثم تستعر وهو ما حدث طبعا كل الناس غضبانة وكل مبرراتهم عايزين نقضى على الانفلات الامنى ويعنى انتوا عاجبكم اللى حصل عند السفارة الاسرائيلية وعمايل اسرائيل مش عيب ان الواد احمد الشحات يطلع على المواسير زى الحرامية ويجيب لهم العلم طب نقولهم اية دلوقتى حرام عليكوا روحوا بيوتكم
وعلشان احنا سلميين رحنا هدينا سور برلين اللى عند السفارةويوم الاتنين قلنا نمشى رجلينا على مجلس الوزرا وقعدنا ننادى انت فين يا شرف انت فين يا عصام ياشرف وفص ملح وداب يبقى يسقط يسقط شرف والدخلية كمان بلطجية وبالمرة بقى طالما الكل هيسقط يبقى يسقط المجلس العسكرى بالمرة بقى
مهو بصراحة لا بيرحم ولا بيخلى رحمة ربنا تنزل يعنى اية بعد كل دة يفعل قانون الطوارىء بحجة الامن طيب يظبط الداخلية ويلم البلطجية مهم عارفينهم بالاسم يشتغلوا بقى شوية ونقولهم عيب عليكم اشتغلوا مش تحكموا حريتنا اللى اخدناها وتقولولنا قانون الطوارىء
وكل اللى حدث دة كوم واللى قالة المستشارى طارق البشرى كوم تانى طبعا عارفين الرجل دة الكبارة السكرة الهادى الوديع اللى كان بيعمل لنا المواد اللى هنستفتى عليها وبعد الاستفتاء المجلس اسقط دستور 71 وعملينا اعلان دستورى من 62 مادة طب وديتنا الاستفتاء لية ووقفتنى فى طابور 3 كيلو وانا مصر على الانتخاب وممارسة حقى وفى الاخر ضحكت عليا ورميت الورق اللى انا استفتيت علية مش عيب يا عسكرى على العموم مش هنتعاتب خلينا نشوف الحاج طارق البشرى قال اية قال يارجالة قانون الطوارىء وحسب الاعلان الدستورى سقط وانتهى الى الابد وعلشان يمد ويفعل لازم استفتاء شعبى وهذا لم يحدث فرحنا وقلنا كويس
يقوم اية بقى حاصل يجى اللواء عادل مرسى مديير القضاء العسكرى يقولنا حمرا دا رئيس الجمهورية السابق كان مادد قانون الطوارىء والمفروض انة ينتهى 2012 نقولة احنا بقى اية حمراوية خالص د عند ستط قطاطا يعنى عايز تفهمنى ان الرئيس لسة موجود وكلامة الخزعبلاوى سارى برغم ان الدستور وقع ومات دة اسمة فراولة مضروبة فى الخلاط مع لبن وطحينة علشان محدش يقرب ويشرب
طب وبعدين هنادى ضايعه من ساعة مالمخلوع خلع وخادها فى سكتة وياترى احنا ماشيين فى اى سكة يا بلد اكيد سكة السلامة ولازم الطوارىء تتلغى واستقيموا بقى
قام الرجالة قالت نعمل مليونية هى صحيح طلعت مئوية بس بردة صوت الناس ياولداة اللى اتبح من كثر قوايل لا لقانون الطوارىء ولا للمحاكمات العسكرية
ونسين ان الحرائق تبدا بسيطة ثم تستعر وهو ما حدث طبعا كل الناس غضبانة وكل مبرراتهم عايزين نقضى على الانفلات الامنى ويعنى انتوا عاجبكم اللى حصل عند السفارة الاسرائيلية وعمايل اسرائيل مش عيب ان الواد احمد الشحات يطلع على المواسير زى الحرامية ويجيب لهم العلم طب نقولهم اية دلوقتى حرام عليكوا روحوا بيوتكم
وعلشان احنا سلميين رحنا هدينا سور برلين اللى عند السفارةويوم الاتنين قلنا نمشى رجلينا على مجلس الوزرا وقعدنا ننادى انت فين يا شرف انت فين يا عصام ياشرف وفص ملح وداب يبقى يسقط يسقط شرف والدخلية كمان بلطجية وبالمرة بقى طالما الكل هيسقط يبقى يسقط المجلس العسكرى بالمرة بقى
مهو بصراحة لا بيرحم ولا بيخلى رحمة ربنا تنزل يعنى اية بعد كل دة يفعل قانون الطوارىء بحجة الامن طيب يظبط الداخلية ويلم البلطجية مهم عارفينهم بالاسم يشتغلوا بقى شوية ونقولهم عيب عليكم اشتغلوا مش تحكموا حريتنا اللى اخدناها وتقولولنا قانون الطوارىء
وكل اللى حدث دة كوم واللى قالة المستشارى طارق البشرى كوم تانى طبعا عارفين الرجل دة الكبارة السكرة الهادى الوديع اللى كان بيعمل لنا المواد اللى هنستفتى عليها وبعد الاستفتاء المجلس اسقط دستور 71 وعملينا اعلان دستورى من 62 مادة طب وديتنا الاستفتاء لية ووقفتنى فى طابور 3 كيلو وانا مصر على الانتخاب وممارسة حقى وفى الاخر ضحكت عليا ورميت الورق اللى انا استفتيت علية مش عيب يا عسكرى على العموم مش هنتعاتب خلينا نشوف الحاج طارق البشرى قال اية قال يارجالة قانون الطوارىء وحسب الاعلان الدستورى سقط وانتهى الى الابد وعلشان يمد ويفعل لازم استفتاء شعبى وهذا لم يحدث فرحنا وقلنا كويس
يقوم اية بقى حاصل يجى اللواء عادل مرسى مديير القضاء العسكرى يقولنا حمرا دا رئيس الجمهورية السابق كان مادد قانون الطوارىء والمفروض انة ينتهى 2012 نقولة احنا بقى اية حمراوية خالص د عند ستط قطاطا يعنى عايز تفهمنى ان الرئيس لسة موجود وكلامة الخزعبلاوى سارى برغم ان الدستور وقع ومات دة اسمة فراولة مضروبة فى الخلاط مع لبن وطحينة علشان محدش يقرب ويشرب
طب وبعدين هنادى ضايعه من ساعة مالمخلوع خلع وخادها فى سكتة وياترى احنا ماشيين فى اى سكة يا بلد اكيد سكة السلامة ولازم الطوارىء تتلغى واستقيموا بقى
ليست هناك تعليقات:
إرسال تعليق